Qara Cümə tarixi.
Qara cümə adından göründüyü kimi bizim milli bayramlardan biri deyildir. Bütün dünya tərəfindən qeyd edilən, qloballaşan kompaniya olduğu üçün ölkəmiz də bu ənənədən geri qalmadı. Marketinq sahəsinin inkişafı üçün nəzərdə tutulan Qara Cümə “Black Friday” olaraq tanınır və ilk dəfə Amerikada qeyd edilməyə başlamışdır. Black Friday-ın keçirilməsinin başlıca səbəbi insanların Yeni il bayramına əvvəlcədən hazırlanması, endirimli qiymətlərdən yararlanaraq alış-veriş etmələridir. Bu ənənə 1932-ci ildən bu yana davam edərək geniş vüsət alır.
Niyə Qara Cümə?
Əslində heç bir uğursuzluğa səbəb olmayan, əksinə insanların həvəs və maraqla gözlədiyi Black Friday adının necə yaranması haqqında bir çox fikirlər vardır.Qara Cümə adını almasının bir səbəsi insanların qısa müddətlik olsa da, ciblərinə xeyir vermək və daha çox məhsul satmaq məqsədinin olmasıdır. Digər bir səbəb isə bir çox ölkələrdə bu günlərdə mağazalar saat 04:00 – 05:00 arası açıldığı üçün havanın qaranlıq olması və böyük izdihamla əlaqələndirilmişdir. Kəskin endirimlərin olması, endirimlərin olduğu məhsulların tez bir zamanda bitməsi Qara Cümə gününün əsas xarakteristikasıdır.
Black Friday-ın özəlliyi.
Qara Cümənin ən böyük özəlliyi dünyanın öndə gələn bütün markaları, satıcıları mağazalarında çox böyük endirimlər etməsidir. Həmin endirimlərdən yararlanmaq istəyənlər demək olar ki, il boyu bu günü gözləyirlər. Bu günlərdə 30%-dən başlayaraq, hətta bəzən 90%-ə qədər yüksələn endirimlər görmək mümkün olur. Mağazalarda, onlayn alış-veriş saytlarında istənilən məhsullara endirimlərin olduğunu görə bilərik. Texnoloji cihazlardan geyimlərə kimi bütün hər bir məhsula bu günə özəl endirimlər olur.